Bun-fhiosrachadh

Bun-fhiosrachadh mu Chunntas-sluaigh na h-Alba

Dh’fhoillsicheadh an duilleag seo airson Ro-chunntas-sluaigh na h-Alba as t-earrach 2009. Ùraichear am fiosrachadh na broinn nuair a thèid crìoch a chur air ceisteachan Cunntais-shluaigh 2011.

Tha an cunntas-sluaigh a’ cunntadh a h-uile neach ann an Alba aon uair anns gach deich bliadhna. Is e an eacarsaich tional staitistig as motha ann an Alba. Tha toraidhean gun urra a’ Chunntais-shluaigh mar mhion-dhealbh den àireamh agus de dh’fheartan dhaoine air latha a’ chunntais. Is e na h-àireamhan seo an aon tomhais earbsach a th’ ann den t-sluagh air fad agus tha iad a’ cuideachadh le bhith a’ cumadh beatha theachdail gach neach mar bhunait airson seirbheisean poblach èifeachdach rè nan deich bliadhna a tha romhainn.

Tha an cunntas-sluaigh air eagrachadh le Oifis Choitcheann a’ Chlàraidh airson Alba (GROS), air a stiùireadh leis a’ Chlàradair Choitcheann, agus fo sgrùdadh luchd-staitistig phroifeiseanta. Tha GROS ag obair le oifisean a’ Chunntais-shluaigh ann an Sasainn, sa Chuimrigh agus Ceann a Tuath Èirinn gus an cunntas-sluaigh a stiùireadh air an aon latha agus gus toraidhean Cunntais-shluaigh a ghabhas coimeas a sholarachadh.

Tha an cunntas-sluaigh ga chumail gach 10 bliadhna agus tha 2011 a’ comharrachadh 150 bliadhna de dh’uallach GROS airson a ruith.

Thòisich GROS a’ dealbhadh Cunntas-sluaigh 2011 goirid às dèidh a’ Chunntais-shluaigh mu dheireadh ann an Alba ann an 2001. Dh’fhoillsich Ministearan Riaghaltas na h-Alba molaidhean a thaobh Cunntais-shluaigh 2011 ann an 2008. Gus taic a chur ris an dòigh-obrach a bha iad air a dhealbhadh airson Cunntais-shluaigh 2011 a liubhairt, dh’fhoillsich GROS pàipear fianais.

Tha toraidhean Cunntais-shluaigh 2001 rim faotainn air Toraidhean Air-loidhne Cunntais-shluaigh na h-Alba (SCROL).

Clàr-ama an Ro-chunntais-shluaigh

Suirbhidh Còmhdaich a’ Chunntais-shluaigh

Tuilleadh fiosrachaidh mu Shuirbhidh Còmhdaich a’ Chunntais-shluaigh (CCS) às dèidh àireamhachd