Prìomh fhìrinnean agus dàta bho 2001

Prìomh Fhiosrachadh agus Dàta bho Chunntas-sluaigh 2001

Prìomh thoraidhean bho Chunntas-sluaigh na h-Alba ann an 2001 a’ togail air àireamh de phrìomh phuingean:

Staitistig Àireamhan Sluaigh

Staitistig Àireamhan Sluaigh

Den 5,062,011 luchd-còmhnaidh ann an Alba air latha a’ Chunntais-shluaigh, bha 36 sa cheud fo aois 30 bliadhna, an taca ri 41 sa cheud ann an Cunntais-shluaigh 1991.

Nas lugha àireamh de dhaoine pòsta

Thuit an earrann den t-sluagh a bha pòsta (a’ gabhail a-steach daoine air ath-phòsadh agus sgaradh) bho 58 sa cheud ann an 1991 gu 54 sa cheud ann an 2001. Thuit an earrann de bhantraichean bho 10 gu naoi sa cheud agus dh’èirich an earrann den fheadhainn aig an robh sgaradh-pòsaidh bho chòig gu seachd sa cheud.

Fàrdaichean is teaghlaichean

Tha teaghlaichean a’ fàs nas lugha

Gu cuibheasach, bha 2.27 neach anns gach teaghlach an taca ri 2.44 anns gach teaghlach ann an 1991.

Nas lugha de theaghlaichean chupal pòsta agus barrachd theaghlaich chupal a’ fuireach còmhla

Bha clann an eisimeil am pàrantan nas dualtaiche a bhith ann an teaghlach far an robh an dithis a’ fuireach còmhla no ann an teaghlach le aon phàrant, na bha ann an 1991.

Taigheadas

Thàinig meudachadh mòr air sealbhachadh thaighean

Dh’èirich an earrann de theaghlaichean le sealbh air an àite-fuirich bho 52 gu 63 sa cheud eadar 1991 agus 2001. Bha na h-earrannan glè eadar-dhealaichte air feadh sgìrean Comhairle bho chòrr agus 80 sa cheud le sealbh ann an Dùn Bhreatainn an Ear agus Rinnfriù an Ear gu nas lugha na 50 sa cheud ann am Baile Ghlaschu.

Gnèithean cultarach

Barrachd dhaoine nach eil geal na ann an 1991

Bha a dhà sa cheud de dh’àireamh-sluaigh na h-Alba bho mhion-bhuidheann cinneachail (neo-Gheal), an taca ri 1.3 sa cheud ann an 1991. Bha am buidheann dhaoine a bu mhotha, às dèidh am buidheann cinneachail Geal, anns a’ bhuidheann Pacastànai.

Barrachd Shasannach ann an Alba

Rugadh faisg air 13 sa cheud, no aon a-mach à h-ochd, den àireamh-sluaigh taobh a-muigh Alba, meudachadh bho fhaisg air 11 sa cheud ann an 1991. Rugadh a’ chuid as motha dhiubhsan a rugadh taobh a-muigh Alba, ann an Sasainn. Rugadh ochd sa cheud den àireamh-sluaigh ann an Sasainn an taca ri seachd sa cheud ann an 1991.

Dàta Cunntais-shluaigh air creideamh

Airson a’ chiad uarach, chuir an cunntas-sluaigh dà cheist mu chreideamh, creideamh togail agus an creideamh làithreach. Airson a’ chreideimh thogail bha na buidhnean a bu mhotha ann an Eaglais na h-Alba (47 sa cheud), Sgath (18 sa cheud) agus san Eaglais Chaitligich (17 sa cheud). Bha na h-àireamhan co-ionnan sa cheud airson creideamh an latha an-diugh aig 42 sa cheud, 28 sa cheud agus 16 sa cheud.

Nas lugha de Luchd-labhairt na Gàidhlig

Bha 58,650 neach aig aois a trì agus nas sine a’ bruidhinn Gàidhlig an taca ri 65,980 ann an 1991 – tuiteam de 11 sa cheud.

 

Tinneas agus slàinte

Meudachadh mòr ann an clàradh tinneas fad-ama

Thaisbein 20 sa cheud den àireamh-sluaigh gun robh tinneas fad-ama, duilgheadas no ciorram slàinte orra a bha a’ cuingealachadh an gnìomhachdan làitheil no an obair a b’ urrainn dhaibh a dhèanamh, meudachadh smaoineachail air an 14 sa cheud air an deach iomradh a thoirt ann an 1991.

Barrachd droch shlàinte ann an earrannan taigheadais sòisealta air màl agus saor bho mhàl

Dh’fhaighnich Cunntas-sluaigh 2001 ceist ùr mu shlàinte san fharsaingeachd thairis air an dà mhìos dheug a chaidh seachad. A’ coimhead ri freagairtean a thaobh slàinte dhaoine le còir fearainn, bha na h-earrannan a bu mhotha a bha ag aithris ‘droch shlàinte’ rin lorg anns an raon taigheadais sòisealta air màl agus ann an teaghlaichean a bha saor bho mhàl (na dhà 18 sa cheud an taca ri 10 sa cheud do teaghlaichean uile).

Gnìomhachd eaconamach

Nas lugha fhear ann an obair làn-ùine

Thuit an earrann de dh’fhir ann an obair làn-ùine bho 55 sa cheud ann an 1991 gu 51 sa cheud.

Tha a’ chuid as motha de dhaoine gun obair ann am Baile Ghlaschu

Lorgadh àireamhan àrd de dhaoine gun obair ann an coimeas ri earrann den fheadhainn a bha an sàs ann an gnìomhachd eaconamach ann am Baile Ghlaschu (10 sa cheud) agus ann am Baile Dhùn Deagh, Inbhir Àir an Ear, Inbhir Àir a Thuath agus Dùn Bhreatainn an Iar (naoi sa cheud), fhad ’s a bha an ìre a b’ ìsle de dhaoine gun obair ann an Eileanan Shealtainn (trì sa cheud).

Aon ann an 10 na neach-cùraim

Bha ceist ùr ann an Cunntas-sluaigh 2001 a’ faighneachd mu dheidhinn na h-ùine a bha daoine a’ cosg a’ solarachadh cùraim no cobhair gun phàigheadh do bhall teaghlaich, caraid no nàbaidh air sgàth droch shlàinte corporra no inntinn no ciorram (a’ gabhail a-steach dhuilgheadasan co-cheangailte ri seann aois). Cha robh naochad sa cheud den àireamh-shluaigh a’ toirt seachad cùram sam bith; bha sia sa cheud a’ solarachadh cùraim airson nas lugha na 19 uairean a thìde san t-seachdain; bha 1.2 sa cheud a’ solarachadh 20 gu 49 uairean a thìde san t-seachdain; agus 2.3 sa cheud a’ solarachadh co-dhiù 50 uairean a thìde san t-seachdain.

Còrr agus an còigeamh earrann de bhoireannaich le obair air am fastadh aig Seirbheisean Slàinte agus Sòisealta

Bha còrr agus 20 sa cheud de bhoireannaich le obair ann an gnìomhachas slàinte agus sòisealta.

Bha Àisianaich dualtach a bhith ag obair air an ceann fhèin – bha fèin-fhastadh coimeasach àrd am measg bhuidhnean cinneachail le tùs Àisianach.

Siubhal

Barrachd theaghlaichean le càraichean

Bha timcheall air trian de theaghlaichean gun chàr no bhan - air thuiteam bho thairis air dà chòigeamh ann an 1991.

Bha barrachd a’ dol a dh’obair ann an càr – bha 64 sa cheud de luchd-obrach a’ siubhal a dh’obair ann an càr no motair-rothair, meudachadh de dh’ochd sa cheud bho 1991. Bha buaidh aig a’ mheudachadh ann an càraichean agus motairean-rothair air siubhal air bus m.s.a.a., a thuit bho 16 sa cheud gu 13 sa cheud agus air modhan siubhail eile (gu h-àraid coiseachd no rothair) a thuit bho 20 sa cheud gu 14 sa cheud.

Teisteanasan foghlaim

Trian gun teisteanas sam bith

Cha robh teisteanas sam bith aig daoine 16 gu 74 bliadhna a dh’aois clàraichte sna gnèithean a bha air an liostadh mu choinneamh nam bocsaichean-strìochaig sa cheisteachan.

 

Fiosrachadh agus figearan Cunntais-shluaigh san fharsaingeachd

• Tha mion-fhiosrachadh bho chunntas-sluaigh 1841-1901 air a chur ann an sgrìobhadh agus air a chlàradh, agus tha e ri fhaotainn air-loidhne
• Tha cunntas-sluaigh den àireamh-sluaigh ann an Alba air a bhith ga chumail gach 10 bliadhna bho 1801 (ach a-mhàin 1941 aig àm a’ chogaidh)
• B’ iad maighstirean sgoile paraiste a bhiodh a’ ruith a’ Chunntais-shluaigh suas gu 1831
• Chlàraich a’ chiad Chunntas-sluaigh oifigeil an àireamh-sluaigh ann an Alba aig 1.6 millean ann an 1801. Dhùblaich e gu timcheall air 3 millean ann an 1861 – agus ann an 2001 bha e aig 5.1 millean
  
• Tha Cunntas-sluaigh 2011 a’ comharrachadh an 150mh cheann-bliadhna bho ghabh Oifis Choitcheann Clàraidh na h-Alba thairis an t-uallach airson ruith cunntas-sluaigh na h-Alba ann an 1861
• Tha clàir a’ Chunntais-shluaigh airson nan 100 bliadhna a chaidh seachad sa bheil 25,000,000 sgrìobhainnean ann an tasglann maireannach, tèarainte agus tha clàir eile, a’ dol air ais gu 1807, fosgailte don phoball airson rannsachadh

Fiosrachadh agus figearan bho Chunntas-sluaigh 2001

• B’ e Cunntas-sluaigh 2001 a’ chiad chunntas-sluaigh a chuir ceist mu chreideamh
• B’ e 2001 a’ chiad turas a bha cothrom aig teaghlaichean ceisteachain a chur air ais tron phost an àite àirmhichean a bhith gan tional
• Bha tuairmse sluaigh ann an Alba aig 5,062,011 ann an 2001
• B’ e 38 an aois chuibheasach ann an Alba
• Bha aois chuibheasach fhireannach ann an Alba aig 37 bliadhna a dh’aois
• Bha aois chuibheasach bhoireannach ann an Alba aig 39 bliadhna a dh’aois
• Ann an 2001, b’ e 30 gu 44 bliadhna a dh’aois
  am buidheann a bu mhotha
• Bha 52,102 leanabain fo aois bliadhna ann an Alba
• Bha 0.01 sa cheud den àireamh-sluaigh thairis air 100 bliadhna a dh’aois
• Bha an dithis a bu shine a chaidh a chlàradh ann an Alba 109 bliadhna a dh’aois ann an 2001
• B’ e 58 aois chuibheasach dhaoine a’ fuireach leotha fhèin ann an Alba ann an 2001
• Bha 2,192,246 teaghlaichean ann an Alba
• Bha 513,557 taighean ann an sealbh gu tur ann an Alba
• Bha 4,547 daoine a’ fuireach ann an carabhan, ann an taighean gluasadach no ann an structaran sealach eile
• B’ e 4.75 an àireamh chuibheasach de sheòmraichean ann am fàrdaichean ann an Alba
• Bha 90 seòmar no barrachd ann an 13 fàrdaichean ann an Alba
• B’ e 2.27 an àireamh chuibheasach de dhaoine a’ fuireach ann am fàrdaichean ann an Alba
• Bha sia fàrdaichean le 20 no barrachd duine a’ fuireach annta
• Bha 2,044,018 càraichean is bhanaichean air an clàradh ann an Alba sa chunntas-shluaigh mu dheireadh
• Bha ceithir no barrachd charbaidean ann an 18,034 fàrdaichean ann an Alba
• Bha 32.19 sa cheud de dh’àireamh-sluaigh na h-Alba a’ siubhal a dh’obair ann an càr no bhan (a’ gabhail a-steach luchd-siubhail). Bha 14.17 eile sa cheud a’ coiseachd, 10 sa cheud air bus agus 1.79 sa cheud air trèana
• Bha 26,133 oileanaich 30+ bliadhna a dh’aois ann am foghlam làn-ùine
• Bha daoine an sàs anns na creideamhan a leanas ann an Alba:
  • Eaglais na h-Alba – 2,146,251
  • Caitligeach – 803,732
  • Creideamh Crìosdaidh eile – 344,562
  • Budast – 6,830
  • Hindiù – 5,564
  • Iùdhach – 6,448
  • Muslam – 42,557
  • Sìc – 6,572
  • Eile – 26,974
  • Gun fhreagairt – 278,061
• B’ urrainn do 93,282 daoine ann an Alba Gàidhlig a bhruidhinn, a leughadh, a sgrìobhadh no a thuigsinn
• Dh’aithris 1,027,872 daoine ann an Cunntas-sluaigh na h-Alba gun robh tinneas cuingealach fad-ama orra
• B’ e 37 uair san t-seachdain an àireamh chuibheasach de dh’uairean a bhite ag obair
• Bha 2,261,281 daoine ann an Alba ag obair